678391, РС (Я), Намский улус, с. Ымыяхтах, ул. Центральная, 56, Ымыяхтах,

Намская МЦБС РС (Якутия)

Едейская сельская библиотека - филиал №1

Книги — это мудрость, запечатленная в словах, открывающая двери в бескрайний мир знаний.

Добро пожаловать в нашу библиотеку, где каждая страница — это новое приключение, а каждая строка — ключ к пониманию бескрайних граней жизни.

2025 сыл-Иэйэхсит Ийэ Хотун сыла

Иэйэхсит Ийэ Хотун сыла

2025 сыл билгэтэ:

Бу кэлбит сыл сахаларга Иэйэхсит  сыла буолар. Саха билиҥҥи халандаарынан, ааһан эрэр сыл Айыыһыт  сыла эбит буоллаҕына, быйылгыбыт – Иэйэхсит  сылынан биллэр.

Иэйэхсит — дьахтар таҥарата, кини аһаҕас майгылаах, эйэҕэс, амарах.

Иэйэхсит ыам ыйыгар кэлэр. Кэллэҕинэ от-мас көҕөрөр, ас-үөл дэлэйэр. Сайын саҕаланар. Иэйэхсит хотун түһэр. Кини сылаас тыына буорга, ууга, салгыҥҥа иҥэр.

Иэйэхсит Айыыһыттааҕар үрдүк олоххо, халлаан иккис хаттыгаһыгар олорор дииллэр. Кини айгыр силик тыынар тыыннааҕын барытын араҥаччылыыр аналлаах. Иэйэхсит илгэтэ быйаҥы, үөскүүрү көҕүтэр, үүннэрэр.

Иэйэхсит илгэтэ ытыһыгар түспүт киһитэ өҥ илиилэнэр, оччоҕо кини туппута-көрбүтэ барыта тупсар, төлөһүйэр, сайдар, үүнэр, чөл, чэгиэн буолар.

Киһи айылҕаттан дьоҕурдара арылларыгар бэрт кэм тосхойор. Талба талааннаргытын арына сатаатаххытына – сатабыллаах дьон буолан дьоҥҥо-сэргэҕэ кэрэхситэр кэмҥит кэлиэ. Өтө көрөр, сэрэйэр айылгылаах, онон ааһан иһэр албыҥҥа-түөкэйгэ үктэппэт. Кыһалҕалаахха ис сүрэҕиттэн көмөлөһө сатыыр киһи – элбэх ситиһиигэ тиксиэ.

Иннигитин туохха да биэрбэт буоллаххытына, кыыһыра-тымта, улаатымсыйа сатаатаххытына — Дьолуо Айыыһыт тиэрэ эргийиэ. Хара ньэгири түргэнник аһарына үөрэниҥ. Өһүргэниини, бэйэни аһыныыны тохтотуҥ. Дьиэ кэргэҥҥэ ытыктабыл, өйдөһүү-өйөһүү, бэйэ-бэйэни харыстааһын сыаннастарын өрө тутуҥ.

ТОХСУННЬУ ЫЙ – ТАҤХА ХААН ЫЙА

Тохсунньу бүтэй кэм. Бу ыйга аам-даан тымныы түһэр. Хараҥа бүрүүкүүр. Дьон хараҥа оройугар, дьыл быыһыгар бит-билгэ көбөр диэн итэҕэйэллэр. Таҥха Хаан киһи дьылҕатын туһунан тугу этэрин айылҕа бу дьикти кэмигэр билгэлэнэн инникилэрин торумнанан көрөллөрө. Ити курдук таҥхаланыы диэн үөскээбит.

Күнэ-дьыла: тохсунньу ыйга сааһы уонна сайыҥҥыны билгэлииллэр. Тохсунньу ыйа от ыйы батыһар.

Таҥха Хаан ыйын бэлиэлэрэ.

Таҥарата: Таҥха Хаан

Ойуута: орто күөрчэх (көҕөр ойуу)

Суолтата: инникини өтө көрүнүү

Тыла: Туску

Сулуһа: Орой сулус