Едейская сельская библиотека - филиал №1

Тымныы оҕуһа /хомуйан оҥордо Т.А. Ушницкая; А.Р. Моруо, М.Д. Каженкина, А.А.Яковлев уо.д.а ойуулара.-Дьокуускай:Айар, 2024.-32с.

Күндү ааҕааччы! Ураты таһаарыы — “Тундра” анимация устуудьуйата устубут “Тымныы оҕуһа”  ойуулуга аны бастакы сахалыы новеллизация  кинигэ буолан таҕыста.

Кинигэҕэ 10 саастаах Айаал муус скульптора буолуон баҕарарын, ол баҕа санаата туоларыгар киниэхэ Бүөтүр кырдьаҕас көмөлөһөрүн туһунан суруллар. Маны тэҥэ Айаал уонна Бүөккэ саҥа мүччүргэннээх сырыыларынан комиксы, араас көрдөөх оонньуулары уонна таайбараҥнары булуоххут.

Улуу Кыайыы 80 сылынан. 75 кэпсээн: сэрии туhунан оҕолорго /хомуйан онордо Н.В. Андросова; худуоьунньуктар Е.А. Газизова, Н.Н. Рязанскай, А.К. Попов.- Дьокуускай: Бичик, 2020.-112с.

Эн Аҕа дойду Улуу сэриитин туһунан билэҕин дуо? Россия улуу учуонайа М.В.Ломоносов: «Бэйэтин ааспыт устуоруйатын билбэт норуот — инникитэ суох норуот», — диэн эппитэ. Бэйэтин ытыктанар хас биирдии киһи дойдутун устуоруйатын билэр, онтун кэнчээри ыччатыгар тиэрдэр кэрэ дьулуурдаах буолуохтаах. Онно бу кинигэ тирэх буолан, эһиэхэ сэрии ыар сылларыттан араас түгэннэри, сэрии чаастарын, байыаннай тиэхиньикэ, ханнык сэп-сэбиргэл туттуллубутун, ханнык улуу кыргыһыылар буолбуттарын, сэрии дьоруойдарын хорсун быһыыларын, о.д.а. кэпсиэҕэ. Биһиги өбүгэбит албан ааттаах ааспыт суола, Кыайыытын кырдьыга хаһан да өлбөөдүйбэт.

Уб. төрөппүттэр,  сааскы каникул чугаһаата,  оҕолоргутун кытта библиотекаҕа сылдьан саҥа кинигэтэ уларсан ааҕыҥ, бириэмэҕитин туһалаахтык атаарыҥ!