Едейская сельская библиотека - филиал №1

«Киһиэхэ төрөөбүт дойдута төрөппүт ийэтин кэриэтэ…» диэн Саха Народнай суруйааччыта Семен Данилов строкалара ырыа буолан уос номоҕуттан туспэттэр. Төрөөбүт үөскээбит төрүт түөлбэбит барахсан, ханнык да атын сиртэн ураты кэрэ, чугас. Хаһан да, ханна да сырыттарбыт дойдубутун ахтабыт, саныыбыт.

Үөдэй нэһилиэгэ – саҥаны-үтүөнү көҕүлүүр, үлэни хамнаһы кыайа-хото тутар дьоннордоох, билиигэ-көрүүгэ тардыһыылаах кэнчээри ыччаттаах улуус нэһилиэктэриттэн биирдэстэрэ.

Төрөөбүт Үөдэйбит үүнэрин-сайдарын туһугар ыытыллар үлэлэргэ бары биир киһи курдук, кыралыын улаханныын көхтөөхтүк кыттабыт.

Сыл аайы  Үөдэй олохтоохторо түмсэн «Нэһилиэк күнүн» үөрэ-көтө, өрө көтөҕүүлээхтик бэлиэтиибит.  Олунньу 20 күнүгэр “Нэһилиэкпит сайдыыта – барыбыт түмсүүбүт” нэһилиэк күнүн тэрээһинигэр көхтөөх кыттыыны ыларгытыгар ыҥырабыт.

💠💠 💠 Нэһилиэк күнүн чэрчитинэн эһиэхэ анаан,  Үөдэйдээҕи олохтоох библиотека  “Төрөөбүт дойдугун төһө билэҕин?” —  диэн бириистээх биктэриинэ бэлэмнээтэ.

💠Саха Өрөспүүбүлүкэтигэр Үөдэй нэһилиэгэ саамай элбэх Герой Ийэлээх нэһилиэгинэн биллэр, Үөдэй нэһилиэгэр хас Герой Ийэ баарый?

💠Саха Өрөспүүбүлүкэтин биллиилээх чаҕылхай государственнай уонна политическай деятеля И. Е. Винокуров бастакы кэргэнэ Үөдэй сириттэн – уотуттан төрүттээх дьахтар кини аата кимий?

💠1941 с. бэс ыйын 22 күнүгэр фашисткай Германия сэриинэн саба түһэн хас биирдии дойдубут олохтоохторун эйэлээх олоҕо айгыраабыта. Бу уоттаах сэриигэ 4 бииргэ төрөөбүттэр сэриигэ ыҥырыллан барбыттара, ааттаталаа.

💠 Үөдэй орто оскуолата ким аатын сүгэрий?

💠“Буденнай” холкуоһу иилээн-саҕалаан уһуннук үлэлээбит салайааччылартан биирдэстэрэ, сэрии алдьархайдаах уһун сут кураан сылларыгар дьонун хоргуппатах, тэрилтэлэргэ сир түүлээн дьонун тыыннаах хаалларбыт. “Ирдэбиллээх салаайааччы” диэн дьон ааттыыра, бу кимий?

💠С. А. Зверев – Кыыл Уола аатынан үҥкүү театра 100 сааһыгар Нам улууһун, Үөдэй нэһилиэгиттэн төрүттээх Улуу композитор музыкатыгар “Оһуор Туос” спектакылы туруоран көрөөччү биһирэбилин ылыан ылбыта. Композитор аата…

💠 Үөдэй нэһилиэгиттэн Аҕа Дойду сэриитигэр хас киһи ынырыллан барбытай?

💠 В.Л. Серошевский “Сахалар” үлэтигэр бу курдук суруйар, “Я знаю много примеров гор, утесов, местностей, считающихся священными. Гмелин упоминает о горе, в которой ноходится грот и очевидно, издавна была особенно чтима. Он называет ее “Каменноугольной горой” на Лене» — Бу тугу эппитий В.Л. Серошевскай?

💠Бэйэтин сүрэҕин, дууһатын ыйыытынан Саха сириттэн сулууспалаахтарга уонна кинилэр бырааптарын уонна сокуоннай интэриэстэрин туруулаһалларыгар төрүт күүһүн ууран көмөлөһөр, хас да кинигэ ааптара, бу кимий?

💠 Үөдэй нэһилиэгин Гербатыгар куба, мыраан, Өлүөнэ өрүс ойууланар. Онно көстөр от туох диэн ааттанарый?

💠Захар Прокопьевич Саввин аатынан Үөдэй орто оскуолатын иһинэн тэриллэн үлэлии хамсыы олорор түмэл аата?

💠 Үөдэй врачебнай амбулаторията ким аатын сүгэрий?

💠 Үөдэй нэһилиэгэ Нам сэлиэнньэтиттэн хайа өттүгэр сытарый?

💠Сэриигэ кыайбыттарга өйдөбүнньүк пааматынньык  хас сыллаахха оҥоһуллубутай ?

💠Сэрии кэминээҕи  бөдөҥ холхуостары ааттаталаа.

💠1948 сыллаахха  Москваҕа уус-уран самодеятельность күннэригэр сахалартан аан бастакы делегация састаабыгар киирбитэ. Москваҕа Улахан театр сценатыгар “Ньургун Боотур” олоҥхоттон быһа тардыыны, “Мачайар Баһылай”, “Сиппиир ырыата” суруйбут. бу кимий?

Эппиэттэргитин 89247618346  нүөмэргэ күүтэбин.  Киирэн кыттыҥ, саҥаны билиҥ!