Едейская сельская библиотека - филиал №1

2005 сыллаахха сэтинньи 25 күнүгэр ЮНЕСКО олоҥхону киһи аймах чулуу айымньытынан билиммитэ. Онон саха олоҥхото аартык аайы аата ааттанар, тоҕой аайы сураҕа иһиллэр буолла.

Олоҥхо декадатын чэрчитинэн библиотека иhинэн сэтинньи 10 күнүттэн ахсынньы 23 күнүгэр диэри  норуот тылынан уус-уран айымньытыгар үүнэр кѳлүѳнэ интэриэһин тардарга, оҕолор ойуулуур-дьүһүннүүр, айар дьоҕурдарын сайыннарар сыаллаах-соруктаах уруhуй күрэҕэ ыытылынна, тиэмэтэ «Олоҥхо дьоруойдара».   Хас биирдии  уруһуйдара  оҕолорбут олоҥхону сөбүлээн ааҕалларын, интириэһиргииллэрин көрдөрдө.  Уопсайа 10 үѳрэнээччи кыттыыны ылла:                                      

Күрэх түмүгүнэн:

1 миэстэ – Зырянова Элиза

2 миэстэ – Иванов Алексий

3 миэстэ – Зырянова Айнана, Новгородов Рустам.

«Талааннаах уруһуйдьут» анал аат – Попова Сайаана.

Кыайыылаахтарга, кыттыбыт оҕолорго грамота, туоһу сурук, сэмэй бэлэх туттарыллыа.

Кыттааччыларбытыгар махтанабыт, туйгун доруобуйаны, дьоллоох оҕо сааhы баҕарабыт.